भांगरभूंय | प्रतिनिधी
भांगरभूंय । प्रतिनिधी
फोंडेंः फर्मागुडी हांगा शिवजयंती निमतान म्हायती आनी प्रसिद्धी खात्यान घेतिल्ल्या गोंय पांवड्या वयले नाट्य प्रवेश सर्तींत करंजाळ- मडकय हांगच्या श्रीमती आनंदीबाई महानंदू नायक हायस्कुलान पयलें इनाम मेळयलें. दुसरें इनाम फोंड्यांतल्या आल्मेदा हायस्कूल आनी तिसरें इनाम मंगेशींच्या वागळे हायस्कूलाक मेळ्ळें.
आनंदीबाई हायस्कूल पंगडान ‘करीन ती पूर्व’ ह्या नाटकांतलो प्रवेश सादर केलो. कविष नायक (शिवाजी), जयंत नायक (बाजी प्रभू), अद्वेष तारी (हिरोजी), उदवा नायक (तानाजी) आनी अर्था नायक (गजरा) हांणी तातूंत भूमिका केल्यो. दिग्दर्शन संदीप दयानंद फडतेन केले.
नाट्य प्रवेश सादर करपा खातीर मुख्याध्यापक भारत नायक शिक्षिका नीलम कुश नायक हिणे परिश्रम घेतले. म्हायती खात्याचो संचालक दीपक बांदेकार हाचे हस्तुकीं इनाम भेटवण कार्यावळ जाली. कार्यावळीक म्हायती खात्याचो प्रकाश नायक, श्याम गांवकार, हेझल आल्मेदा, शांतो नायक, आनंदीबाई हायस्कूलचो मुख्याध्यापक उमाकांत नायक, संध्या नायक, नीलेश नायक हाजीर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
