भांगरभूंय | प्रतिनिधी
पणजी : गोंय पुलिसांच्या गुन्यांव फांट्यान धुळेर- म्हापश्यां धाड घालून धुळे महाराष्ट्रच्या सुखदेव कोळी (२१) आनी रवींद्र भील (२४) ह्या दोग दुबावितांक अटक केली. तांचे कडल्यान ३० किलो गांजो जप्त केलो. तशेंच दुबावितान वापरिल्ली मारुती सियाझ गाडी आनी मोबायल जप्त केलो. जप्त केल्ल्या मालाचें मोल ४०.१० लाख रुपया आसा. ह्या प्रकरणांत गुन्यांव फांट्यान ११ जून २०२५ दिसा गुन्यांव दाखल केला.
हे विशीं चड म्हायती प्रमाण, धुळेर – म्हापशेंच्या पॅट्रोल पंपा लागसार गांजाची तस्करे खातीर दोग जाण गाडी घेवन येतले अशी म्हायती गुन्यांव फांट्याच्या एका अधिकार्याक मेळ्ळी. ते प्रमाण, पुलीस अधीक्षक राहुल गुप्ता आनी उपअधीक्षक राजेश कुमार हांच्या मार्गदर्शना खाला निरीक्षक विकास दयेकार हांच्या नेतृत्वा खाला साहाय्य्क उपनिरीक्षक श्रीराम साळगांवकार, दिनेश पिकुळकार, कॉंन्स्टेबल सुलेश नायक, क्रितेश किनाळकार, सुभा गांवकार, प्रकाश उत्तेकुरी आनी हेर पंगडान ११ जुनाक रातचें १.४० ते सकाळीं ६.३० वरां मेरेन दिल्ल्या सुवातेचेर धाड घाली. तेन्ना पंगडान थंय आशिल्ल्या गाडयेंतल्यान मनशाची चोवकशी केली. तेन्ना धुळे महाराष्ट्रच्या सुखदेव कोळी (२१) आनी रवींद्र भील (२४) ह्या दोगांनीय आपली वळख दिली.
उपरांत पंगडान ताची आनी गाडयेची तपासणी केली. तेन्ना पंगडाक गाडयेचे डिक्कीन ३० किलो गांजो मेळ्ळो. उपरांत पंगडान त्या दोगांयकूय ताब्यांत घेवन गांजो जप्त केलो. तशेंच दुबावितान वापरिल्ली मारुती सियाझ गाडी आनी मोबायल जप्त केला. जप्त केल्ल्या मालाचें मोल सुमार ४०.१० लाख रुपया आसा. ह्या प्रकरणांत निरीक्षक विकास दयेकार हांणी वयल्या दुबावितां आड घुवळे वखदां विरोधी कायद्या खाला गुन्यांव दाखल करून अटक केली
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
