भांगरभूंय | प्रतिनिधी
म्हापशें: म्हापश्यां मिलाग्रीस चर्ची लागसार आशिल्ले इमारतींतले गोवेकार बेकरीक उजो लागलो. तातूंत सुमार 2 लाख रुपयांचें लुकसाण जालें.
आयतारा रातच्या 11 वरांचेर ही घडणूक घडली. बेकरींतल्यान धुंवोर येता अशी म्हायती मेळटाच उजो पालोवपी दळाचे ताकतिकेन घडणुकेचे सुवातेचेर पावले. रातचो वेळ आशिल्ल्यान बेकरींत कोणूच नाशिल्ले. अचकीत लागिल्ल्या ह्या उज्यांत बेकरींतलें सामान, खाद्यपदार्थ आनी हेर वस्तूंचो लासून गोबोर जाल्यो.
उजो कित्याक लागून लागलो हाचें कारण उसरां मेरेन कळूंक नाशिल्ले, पूण शॉर्ट सर्किटाक लागुन उजो लागला आसुंये, असो अदमास उजो पालोवपी दळान उक्तायला. जवानांक सुमार 50 हजारांचें सामान वाटोवपाक येस मेळ्ळें. दळाचे उपअधिकारी अशोक परब, योगेश आमोणकार, गिरीश गांवस, विष्णू नायक, प्रवीण गांवकार आनी अशोक वळवयकार ह्या जवानांनी उजो पालयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
