भांगरभूंय | प्रतिनिधी
म्हापशें: कोर्ट जंक्शाना वेल्या ट्रॅफीक सिग्नल्स यंत्रणांक क्रेनीचो धपको बशिल्ल्यान कोसळ्ळी. हाका लागून जंक्शनाचेर येरादारीची कोंयडी जाली.
ही घडणूक सोमारा 12 वेर सांजवेळा 5.45 वरांच्या सुमाराक घडली. ह्या जंक्शना वेल्यान वीज खात्याची क्रेन वताली. ही क्रेन ट्रॅफीक सिग्नल्साक वीज जोडणी दिल्ल्या वाहिनीक आडकली. ताका लागून पालिका कचेरी आनी न्यायालयाचे वटेन आशिल्ल्या सिग्नल्साचे खांबे रस्त्यार पडले. जाल्यार विरुद्धी दिशेचे खांबे लंवडले.
सुदैवान हे सिग्नल चलून वचप्याचेर वा वाहनाचेर पडले नात. मात जंक्शना वेली येरादारी कांय वेळ आडावली. उपरांत येरादारी पुलिसांनी येरादारी सुरळीत केली. तशेंच रस्त्यार कोसळिल्लें सिग्नल्स पालिका कर्मचाऱ्यांनी कुशीक काडले.
हातूंतलो एका सिग्नल्साचो गांबो पालिका कचेरेच्या दरवट्या मुखार कोसळिल्लो. हाका लागून पालिका कर्मचाऱ्यांच्या वाहनांक आडखळ जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
