भांगरभूंय | प्रतिनिधी
म्हापशें : बोडगिणी, म्हापशेंच्या कार्व्हालो पेट्रोलपंप लागसार आशिल्ल्या राजेंद्र पांडे हांच्या कावलां अड्ड्याक शॉर्टसर्किटाक लागून उजो लागलो. हे घडणुकेंत अड्ड्यांतल्या ५० टक्के सामान लासून गोबोर जाल्ल्यान बरेंच व्हड लुकसाण जालें. ही घडणूक आयज मंगळारा सकाळच्या सुमार ५.४५ वरांचेर घडली.
ह्या भंगार अड्ड्यांत एक कामगार न्हिदिल्लो. शॉर्टसर्किटाक लागून उजो लागतांच ह्या कामगारान आड्ड्यो मारीत अड्ड्यांतल्यान धांव मारली. हे घडणुकेची म्हायती मेळटांच म्हापशें उजो पालोवपी दळाच्या जवानांनी घडणुके सुवातेर येवन उदकाचो फवारो मारून उजो नियंत्रणांत हाडलो. तशेंच लागीं लागीं ५० टक्के सामान वाटवलें.
म्हापशें उजो पालोवपी दळाचे अधिकारी गणेश गोवेकार, उपअधिकारी ओंकार कारबोटकार आनी पर्वरेचे उपअधिकारी संदीप नायक हांच्या नेतृत्वाखाला दळाच्या जवानांनी उजो पालयलो. म्हापशें पुलिसांनी घडणुकेचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
