भांगरभूंय | प्रतिनिधी
भांगरभूंय । प्रतिनिधी
म्हापशेंः संवसारीक बायलां दिसा निमतान प्रदेश युवक काँग्रेस वतीन म्हापशें शारांत बिरेस्तारा सांजे नारी न्याय मशाल रॅली काडली. राज्यांत तशेंच देशांत बायलांचेर अत्याचार वाडपाक लागल्यात ताचो रॅलीच्या माध्यमांतल्यान भाजपा सरकाराचो निशेध केलो. युवक काँग्रेसाची राष्ट्रीय सरचिटणीस रिची भार्गव, प्रदेश उपाध्यक्ष झिना परेरा, रुझारियो रोनाल्डो, विरेंद्र शिरोडकार, विजय भिके आनी हेर वावुरपी रॅलींत वांटेकार जाल्ले.
फाटल्या धा वर्सांत भाजपाची सत्ता आशिल्ल्या राज्यांनी बायलांचेर व्हडा प्रमाणांत अत्याचार जावपाक लागल्यात. बायलाचें हक्क झोमून घेतले वतात. बायलांक सशक्त आनी रोजगाक मेळोवन दिवपाचे यत्न जायनात. काँग्रेस पक्षान सगल्यांत पयलीं बायलांक राजकी आरक्षण दिवपाचो प्रस्ताव हाडल्लो. भाजपान लोकसभा वेंचणुकेत मतां मेळोवपा खातीर बायल आरक्षणाचें कार्ड वडयलां अशें रिची भार्गवान सांगलें. केंद्रांतलें भाजपा सरकार मणिपूर आनी उत्तराखंडांतल्या अत्याचारा विशीं तोंड धापून ना. भाजपा फॅमिली राज्याक उर्बां दिता. फकत आपल्या घरांतल्या बायलांक व्हडल्या पदांचेर बसोवन आप मजत गटांतल्या बायलांचो फकत वापर करता असो आरोप झिना परेरान केलो.
मशाल रॅली गांधी सर्कल तें हुतात्मा चौका मेरेन काडली. गांधी चौकांत महात्मा गांधीजींच्या पुतळ्याक फुलां हार घालून रॅलीक सुरवात केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
