भांगरभूंय | प्रतिनिधी
भांगरभूंय । प्रतिनिधी
म्हापशेंः म्हापशें पालिका मंडळान मार्केटांतल्या पे पार्किंगाचें पयशे निश्चीतक केले तरीय कंत्राटदार पे पार्किंगाच्या नांवार चड पशये घेवन वाहनचालकांची लुबाडणूक करतात. हे विशीं जायत्यो कागाळी करून लेगीत पालिका मंडळ कंत्राटदाराचेर कसलीच कारवाय करना
पालिका मंडळाच्या घाळपणाक लागून तांच्याच संगनमतान कंत्राटदार वाहनचालकांची लूड करता अशे आरोप जातात. कंत्राटदार दुचाकी चालकां कडल्यान सरसकर 10 रुपये घेता ताका लागून हो वादाचो मुद्दो जाला. मार्केटांतल्यो कांय लेन पे पार्किंगा खातीर अधिसूचीत केल्यात. थंय चारचाकी आनी दुचाकी दवोरपाक मेळटात. दोन वरां खातीर चारचाकींक 10 आनी दुचाकी खातीर 5 रुपये असो दर निश्चीत केला.
कंत्राटदार दुचाकी वाल्यां कडल्यान 10 रुपये घेता. विचारपाक कोण नाशिल्ल्यान ताकां 5 रुपये चड दिवचे पडटात. कंत्राटदारान नेमल्यात त्या कामगारां कडेन वाहन चालकांचे दिसपट्टे वाद जातात. पालिका मंडळाच्या आशिर्वादान कंत्राटदाराची अरेरावी चल्ल्या. ताका लागून पे पार्किंग वादांत सापडल्या. गोवा कॅन हे बिगर सरकारी संस्थेन हालीच पालिका मुख्याधिकाऱी सीताराम सावळ हांका पत्र धाडून ही समस्या सुटावी करपाची मागणी केल्ली. तांणी कंत्राटदाराक कारण दाखय नोटीस धाडूनय अजून परिस्थिती आसा तशीच आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
