भांगरभूंय | प्रतिनिधी
म्हापशें : म्हापशें मार्केंटांतल्या प्रलंबीत प्रस्नाचेर तोडगो काडचो, हे मागणे खातीर वेपार्यांनी थारायिल्ले प्रमाण बुधवारा सकाळीं मोर्चा काडलो. ‘शटर डावन’ आंदोलना खाला काडिल्ल्या ह्या मोर्चाक बाजारांतल्यान सुरवात जाली. उपरांत मोर्चा नगरपालिकेच्या प्रवेशदाराचेर पावतांच पुलिसांनी आडायलो.
बाजारांतलें आपल्या दुकानांचें ‘शटर डावन‘ करून ह्या मोर्चांत व्हडा संख्येन वेपारी वाटेकार जाल्ले. हातांत तखटो घेवन आनी घोशणा दिवन वेपार्यांचो मोर्चा नगरपालिकेकडेन पावतांच व्हडा संख्येन आशिल्ल्या पुलिसांनी प्रवेशदाराचेर आडायलो. पुलिसांनी मोर्चा आडायले उपरांत वेपारी एकठांय येवन तांणी आपल्यो समस्या हांगा जाहीरपणान मांडल्यो.
बाजारांतली समस्या जायते फावटीं मांडून आनी नगरविकासमंत्री विश्वजीत राणे, मुख्यमंत्री डॉ. प्रमोद सावंत हांचे कडेन मांडून अजूनय सुटूंक ना. हाका लागूनच आयज मोर्चा काडचो पडिल्ल्याचें वेपार्यांनी स्पश्ट केलें. ह्या वेळार खुबश्या जाणांनी आपले विचार मांडले.
मजगतीं, प्रलंबीत प्रस्नाचेर कसलेच तरेचो खर तोडगो काडचे ना हें स्पश्ट करीत म्हापशें वेपारी संघटणेन आयज ’शटर डाऊन’ मोर्चा काडटले अशी शिटकावणी दिल्ली. ते प्रमाण हो मोर्चा काडला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
