भांगरभूंय | प्रतिनिधी
भांगरभूंय । प्रतिनिधी
म्हापशेंः गांधी सर्कल तें बोडगेश्वर देवळा मेरेनच्या रस्त्याचें रुंदीकरण आनी डांबरीकरण कामाक उपसभापती जोशुआ डिसोझा हाचे हस्तुकीं सुरवात केली. ह्या वेळार नगराध्यक्ष डॉ नूतन बिचोलकार, उपनगराध्यक्ष सुशांत हरमलकार आनी हेर नगरसेवक हाजीर आशिल्ले.
ह्या कामा खातीर 8.5 कोटी रुपया खर्च अपेक्षीत आसा. म्हापशें तें पर्रा मजगती म्हापशे पालिकेच्या हद्दींतलें काम प्रलंबीत आशिल्लें. व्हो रस्तो अशीर आशिल्ल्यान येरादारीच कोंयडी जाता. ताका लागून सरकारान गोंय पर्यटन उदरगत म्हामंडळा वतीन हें काम हातांत घेतलां. हे काम करपाक कळाव जाता म्हणून मुंबय उच्च न्यायालयाच्या गोंय खंडपिठान बेगोबेग काम सुरू करपाचो आदेश दिल्लो.
एक शेतकार न्यायालयांत गेल्ल्यान रस्त्ताचें काम प्रलंबीत आशिल्लें. 520 मीटर रस्तो रुंदिकरणा खातीर 8.5 कोटी रुपयांची निविदा काडल्ली. जमीन संपादना खातीर वेगळी तजवीज केल्या. ताका लागून शेतकारांनी कामांत आडमेळे हाडचें न्हय अशें डिसोझान मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
