भांगरभूंय | प्रतिनिधी
म्हापशें ः म्हापशें पालिकेच्या फायल गायब प्रकरणाची खोलायेन चवकशी जावपाक जाय. नगरविकास मंत्री आनी मुख्यमंत्र्यांनी ह्या गंभीर प्रकरणाची दखल घेवन दोशींचेर खर कारवाय करची अशी मागणी काँग्रेस पक्षाचे सरचिटणीस विजय भिके हांणी केल्या.
म्हापशेंच्या पक्ष कार्यालयांत आयोजीत केल्ले पत्रकार परिशदेंत भिके हांचे वांगडा जिल्लोध्यक्ष वीरेंद्र शिरोडकार, गट अध्यक्ष नगरसेवक अॅड. शशांक नार्वेकार आनी मिताली गडेकार हाजीर आशिल्ले.
उपसभापती जोशुआ डिसोझा हांचे कागाळी प्रमाण, पुलिसांनी खंयची चवकशी केली? पालिकेन खंयचो तपास केलो? हे विशीं म्हायती मेळोवपा खातीर आमी पुलीस स्टेशन आनी पालिकेक भेट दिवपाचे आसात. आमदारांनी केल्ली कागाळ म्हळ्यार तांच्याच लोकांनी ही भानगड केल्ली आसूं येता असो दावो भिके हांणी केलो.
अॅड. शशांक नार्वेकार हांणी म्हणलें, म्हापशें पालिकेंत फायली निकालात काडपाची वेळ 6 ते 8 म्हयने आसा. एकाच कामाक परवानगी मेळोवपा खातीर अभियांत्रिकी खात्या कडल्यान वेगवेगळी तपासणी करतात. हाचे आदीं म्हज्योय फायली गायब आशिल्ल्यो. हांवें पुलिशेंत कागाळ करपाची शिटकावणी दिले उपरांत दुसऱ्याच दिसा फायली मेळ्ळ्यो. पालिकेंतल्या सत्ताधारी गटाक फकत बाजारपेठ आनी बिल्डरांच्या फायलींची आवड आसा. काम करपाची वा काम समजून घेवपाची इत्सा नाशिल्ल्या लोकांक भौसान वेंचून काडचे न्हय. तशेंच ज्या काळांत फायली गायब जाल्यो ताची नैतीक जापसालदारकी म्हणून संबंदीत नगराध्यक्षांक नगरसेवक पदाचो राजिनामो दिवपाक सांगचो. तशेंच सरकारान बेगोबेग पालिका मुख्याधिकार्यांची बदली करची अशी मागणी तांणी केल्या.
म्हापशें शाराक शाही वारसा गिरेस्तकाय मेळ्ळ्या. हो शाही वारसा कोयर वा हेर समस्यांचो खजिनो आसा. शाराक ह्या खजिन्यापसून मुक्त करपा खातीर म्हापशेंच्या लोकांनी काँग्रेसीचो आमदार वेंचून हाडचो. कळंगुटचे आमदार मायकल लोबो फाटले फावट मंत्रीपदाचेर आशिल्ले. तेन्ना तांणी म्हापशें शारा खातीर कित्याक काम करूंक ना? पूण आतां तांकां कळ्ळें की कळंगुटचे लोक तांकां काडून उडोवपाचे आसात, तेन्ना ते स्वता खातीर सुवात सोदतात. हाका लागून तांकां म्हापशेंचो पुळको आयलां असो आरोप विजय भिके हांणी केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
