भांगरभूंय | प्रतिनिधी
भांगरभूंय । प्रतिनिधी
म्हापशेंः नगरपालिका प्रशासन खात्यान फाटल्या कांय वर्सां सावन प्रलंबीत आशिल्ली म्हापशें पालिकेची 27 वांगड्यांची टावन वेंडींग समितीची स्थापणूक केल्या.
पालिका मुख्याधिकारी हे समितीचे अध्यक्ष जाल्यार नागरी भलायकी केंद्राची वैजकी अधिकारी समितीचे वांगडी सचीव आसा. मार्केट प्रतिनिधी आनी वेपारी संघटनेचे प्रतिनिधी म्हणून श्रीपाद सावंत, फुलां मार्केट असोसिएशनाचे आसीस कार्दोज हांचो समितींत आसपाव आसा.
एनजीओ श्रेणीत म्हापशें पीपल्स युनियनाची सँड्रा रॉड्रिग्ज आनी जॉगर्स सोशल असोसिएशनाचो विनायक आरोलकार आनी गृहनिर्माम संस्थेत सत आधार कॉमप्लेक्स सहकारी सोसायटीचो अरूण बिचोलकार आनी हिलक्रस्ट सोसायटीच्या निमिशा नायक हिका नामांकन दिलां. हेर वांगड्यां मदीं नगरसेवक साईनाथ राऊळ, आशीवार्द खोर्जुवेकार आनी चंद्रशेखर बेनकार हांका पालिकेचे प्रतिनिधी म्हणून नगराध्यक्षांच्या शिफारशी प्रमाण नियुक्त केलां . उपजिल्होधिकारी, उपनगर नियोजक, म्हापशेंचो पुलीस निरीक्षक आनी उपनिरीक्षक, येरादारी पोलीस निरीक्षक, राष्ट्रीयकृत बँकेचे प्रतिनिधी म्हणून भारतीय स्टेट बँकेच्या व्येवस्थापकांची समितीवर नेमणूक केल्या.
पथ विक्रेते संघटनेचे प्रतिनिधी म्हणून रियाझ नारंगी, परशुराम बेंद्रे, उज्वला लंगोटे, सोमनाथ मांगले, प्रज्ञा नायक, विनंती पाळणी, रिता दाभोळकार, लता शिरोडकार, शशिकला गोवेकार, मारिया रॉड्रिग्ज आनी बुधाजी गांवस हांका समितींत वांगडी म्हणून घेतलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
