भांगरभूंय | प्रतिनिधी
भांगरभूंय । प्रतिनिधी
म्हापशेंः म्हापशें पालिका मंडळाच्या स्थायी समितीची बसका दोन फावट स्थगीत करपाची पाळी नगराध्यक्ष प्रिया मिशाळ हिचेर आयल्या. हाचे वयल्यान पालिकेच्या कारभारा वयल्यान पालिका मंडळांत एकमत नाशिल्ल्याचें स्पश्ट जालां. ही बसका शुक्रार 9 जूनाक आपयल्ली. मात कांय कारणाक लागून ती फुडें धुकलची पडली. 12 जून ही बसकेची वेळ निश्चीत केल्ली. मात कोरम नाशिल्ल्यान ती जावपाक शकली ना.
स्थायी समितीच्या बसकेचे प्रक्रियेक नगराध्यक्ष पाळो दिना. फुडें धुकलल्ल्या बसकेचें समितीच्या वांगड्यांक कारकुना कडल्यान मोबायला वयल्यान दितात. हाका लागून नगरसेवकां मदीं नाराजी उक्तायली वता. बसका जायना देखून सर्वसादारण बसकेच्या आयोजनां विशीं प्रश्च तयार जाला. ही बसका जायना ताका लागून पालिकेचे म्हत्वाचे अर्थीक प्रश्न सुटावे करप पालिका मंडळाक शक्य जावंक ना.
मजगतीं नगराध्यक्षाच्या कॅबिनांत एक नगरसेवक बशिल्लो आसता. नगराध्यक्षा शिवाय पांच नगरसेवकां कडल्यान सगळें कामकाज हाताळटात. ह्या प्रकाराक लागून सत्ताधारी नगरसेवकां मदी मतभेद तयार जाल्यात अशी खबर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
