भांगरभूंय | प्रतिनिधी
भांगरभूंय । प्रतिनिधी
म्हापशेंः म्हापश्यांतल्याा नुस्त्या मार्केटांत एके हालींच एक नुस्तें विकपी बायल आनी एके व्यक्ती मदीं वाद प्रकरणात दोगांनीय एकमेका आड कागाळी केल्ल्यो. म्हापशें पुलिसांनी हें प्रकरण बार्देशच्या उपजिल्होधिकारी कार्यालयांत वर्ग केलां. उपजिल्होधिकाऱ्यान दोगांकूय समन्स धाडून बुधवार 10 एप्रिलाक सुनावणेक हाजीर रावपाक सांगलां.
नुस्तें विकपी बायलेक शेनवार 6 एप्रिलाक हें समन्स धाडलां ताका लागून नुस्ते विक्रेत्यांनी तिडक उक्तायल्या आनी सुनावणे दिसा बुधवार 10 एप्रिलाक मुस्तें मार्केट बंद दवोरून उपजिल्होधिकारी कार्यालयांत वचपाचो निर्णय तांणी घेतला. ताका लागून बुधवारा पुराय दीस हें नुस्त्या मार्केट बंद आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
