भांगरभूंय | प्रतिनिधी
भांगरभूंय । प्रतिनिधी
म्हापशेंः म्हापशेंचें नुस्ता आनी मटन मार्केटांत नितळसाण सारकी जायनाशिल्ल्यान जमनी वयल्यान लोक निसरतात. मार्केटाच्या दारा कडेन एक गुरवार बायल निसरून पडून जखमी जावपाचो प्रकार दोन दिसां आदीं घडलो.
नुस्त्या मार्केटाची पालिका मंडळा कडल्यान दिसपट्टी नितळसाण जायना. ताची पयली माळी आनी सोपणां चिखलान भरल्यांत. फाटल्या कांय वर्सां सावन हे माळेची नितळसाण जाली ना. नुस्ते विकतें घेवपाक येवपी लोक निसरून पडपाचे प्रकार जायत्या फावट जाल्यात. मार्केटा कडलो वाठार लेगीत गलिच्छ जाला. निसरून पडिल्ले बायलेक खाजगी वाहनांतल्यान हॉस्पिटलांत व्हेलें.
नुस्त्या मार्केटांत येवपी लोक निसरून पडटात. ताका लागून मार्केटा विशीं लोकांचें मत वायट जाला. मार्केटाची नितळसाण वेळार करची अशी आमी मागणी करीत आसतात. आतां एक गुरवार बायल निसरून पडल्ल्यान पालिका मंडळान हाची गंभीर दखल घेवंन मार्केटाच्या नितळसाणी कडेन लक्ष दिवपाक जाय अशें नुस्ते विक्रेते संघटनेची अध्यक्ष शशिकला गोवेकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
