भांगरभूंय | प्रतिनिधी
भांगरभूंय । प्रतिनिधी
म्हापशेंः हांगच्या झेवियर्स कॉलेजाच्या विद्यार्थी मंडळाचो आयज उपचारीक अधिकारग्रहण जातलें. हे संबंदी डायोसेशन सोसायटी ऑफ एज्युकेशनान कॉलेजा वतीन म्हापशें पयलो वर्ग न्यायालयांत लेखी आस्वासन दिलां. ह्या प्रकरणाची सुनावणी 1 मार्च मेरेन तहकूब केल्या.
कॉलेजाच्या तीन विद्यार्थांक दिल्ली कारण दाखयात नोटीस फाटीं घेवची अशी मागणी प्रतिवादींनी न्यायालया कडेन केली. ताचेर चर्चा करून कितें तें सांगतले अशें कॉलेजाच्या वकिलान न्यायालयाक सांगलां. विद्यार्थी मंडळाचे स्थापने खातीर फाटल्या 21 जानेवारीक झेवियर्स कॉलेज आनी अभाविपच्या कांय वांगड्यांनी कॉलेजांत धरणे आंदोलन केल्लें. त्या वेळार तोडफोड, आनी मस्ती केल्ले खातीर डायोसेशन सोसायटी ऑफ एज्युकेशनत वतीन म्हापशें दिवाणी न्यायालयांत खटलो दाखल केल्लो.
मंगळारा जाल्ले सुनावणे वेळार डायोसेशन सोसायटीन विद्यार्थी मंडळाचो अधिकारग्रहण कार्यावळ 15 फेब्रुवारीक जातली अशी लेखी म्हायती न्यायालयाक दिली. साहिल महाजन, शुभम मळीक आनी विनय राऊत ह्या विद्यार्थ्यांक शिस्तभंगाची कारवाय कित्याक करची न्हय हाची कारण दिवपाची नोटीस कॉलेजान धाडिल्ली. ती फाटीं घेवपाची मागणी ताच्या वकिलान न्यायालया कडेन केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
