भांगरभूंय | प्रतिनिधी
भांगरभूंय । प्रतिनिधी
म्हापशेंः म्हापशे पालिका मंडळाच्या उपनगराध्यक्षपदा खातीर सत्ताधारी पंगडातलो विराज फडके आनी विरोधी पंगडांचलो आनंद भाईडकार हाचें मदीं बुधवारा सकाळीं 11 वरांचेर लडत जातली. उमेदवारी अर्ज भरपाच्या निमाण्या दिसा फडके आनी भाईडकार हांणी आपले अर्ज मुख्याधिकारी अमितेश शिरवयकाराक सादर केले.
पालिका सभाघरांत जावपी वेंचणुके खातीर निर्वाचन अधिकारी म्हणून बार्देश तालुक्याचो उपजिल्होधिकारी गुरुदास देसाय काम पळयतले. हात दाखोवन मत दिवपाचे पद्दतीक लागून फडके हांचें दालें वरचड आशिल्ल्याचें दिसून येता. फाटल्या 31 जानेवारीक जाल्ले नगराध्यक्षाचे वेंचणुके वेळार विरोधी पंगडांतल्या कोणेय उमेदवारी अर्ज सादर केलो ना. ताका लालून प्रिया मिशाळ हिची बिनविरोध निवड जाल्ली.
सत्ताधारी पंगडांतल्या अलिखीत कबलाती प्रमाण नगराध्यक्ष पदाचे वेंचणुके उपरांत चंद्रशेखर बेनकार हांणे आपल्या उपनगराध्यक्षपदाचो राजिनामो दिलो. ते सुवातेर विराज फडकेचें नांव सत्ताधारी पंगडान निश्चीत केल्या उपरांत ताणे उमेदवारी अर्ज सादर केलो. आनंद भाईडकारान उमेदवारी अर्ज सादर केल्ल्यान आता वेंचणूक जातली.
सत्ताधारी पंगडा कडेन 14 नगरसेवक आशिल्ल्यान तशेंच विरोधी पंगडा कडेन 6तले फकत पांच नगरसेवक आशिल्ल्यान राजकीय चमत्कार जाल्यारूच वेंचणूक निकालाचेर परिणाम जावपाक शकतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
