भांगरभूंय | प्रतिनिधी
म्हापशें ः म्हापशेंच्या मार्केटांतल्या फुलाच्या बाजाराचें फाटल्या दोन म्हयन्यांचें बील फारीक करूंक ना. हाका लागून वीज खात्यान फुलाच्या बाजारांतली लायट उडयली. म्हापशें पालिकेन वेळार बील फारीक करूंक नाशिल्ल्यान पालिकेवर वीज कापणीच्या कारवायेक आनी लजेक तोंड दिवपाचो वेळ आयला.
मेळिल्ले म्हायती प्रमाण, शुक्रारा ४ तारखेर म्हापशें वीज कार्यालया वतीन फुलांच्या बाजारांतली लायट उडयली. ह्या फुलाच्या मार्केटांतलें फाटल्या मे आनी जून ह्या दोन म्हयन्यांचें सुमार ३० हजार रूपयांचें वीज बील फारीक करूंक नाशिल्लें. उपरांत लायट उडयली. हाका लागून पुराय फुलांच्या मार्केटांत काळोख पातळ्ळो.
आयज आयतार आशिल्ल्यान हें बील फारीक करपाक मेळचें ना. हाका लागून पालिका बील सोमार भरपाची शक्यताय आसा. तो मेरेन विक्रेत्यांक काळखांत बसचें पडटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
