भांगरभूंय | प्रतिनिधी
पार्वती नागवेंकारः महिला दिसा बायलांची म्हादय बचावची घोशणा
भांगरभूंय । प्रतिनिधी
शिवोलीः कर्नाटक म्हादय न्हंयेचें उदक घुंवडावपाचो यत्न करता, ताका लागून गोंयाचेर व्हड संकश्ट येवपाक सोदता. ह्या संकश्टाची जाणीक सगळ्यांकूच आसपाक जाय. म्हादय वाटावपा खातीर आतां बायलांनी फुडें सरपाची गरज आसा, असो उलो समाज वावुरपी पार्वती नागवेंकार हांणी मारलो.
हणजूणेंच्या श्री मुद्देश्वर देवस्थानाच्या प्राकारांत महिला दिसा निमतान विशेश कार्यावळीचें आयोजन केल्लें. पार्वती नागवेंकार हांच्या फुडारपणानूच हे कार्यावळीचें आयोजन केल्लें. ह्या वेळार बायलांनी म्हादय बचावची घोशणा केली. हे कार्यावळींत बायलांक खादीच्यो पोतयो वांटल्यो. छाया गोवेकार, छाया मालवणकार, दीपाली चोडणकार, हेमा नागवेंकार, प्राची परब, रक्षा भोसले, मानसी कळंगूटकार, शितल वळवयकार, अश्विनी कोले आनी हेर बायलो ह्या वेळार हाजीर आशिल्ल्यो. साईनाथ सेल्फ हेल्प ग्रूप, मूलनाथ महिला मंडळ, सांखळेश्वर महिला मंडळ, मुद्देश्वर महिला मंडळ आनी उत्कर्ष महिला मंडळान हे कार्यावळींत वांटो घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
