भांगरभूंय | प्रतिनिधी
पणजी: ’म्हादय आमची माय’ महोत्सवा निमतान ता. 18 मे दिसा मांडावी न्हंयचे देगेर एक आगळो वेगळो ‘ट्री वॉक’ आयोजीत केला. सकाळीं 8 ते 9 ह्या वेळार ही कार्यावळ जावपाची आसा. शारांतले दर्यादेगेवेल्या तोखणाय करपा सारके जैवविविधतेचेर उजवाड घालपाचो आनी समजून घेवपाचो हो एक उत्कृश्ठ यत्न. हे कार्यावळीची सुरवात भगवान महावीर बाल विहाराच्या मुखेल प्रवेश दारा पसून जातली.
ट्री वॉक गोंयची सह संस्थापक आरती दास हांणी आयोजीत केल्ली ही कार्यावळ ’म्हादय आमची माय’ ह्या महोत्सवाचेर उजेड घालपाचेर भर दिता. आयोजकांचे म्हायती प्रमाण, राज्यांतले जनतेक तज्ञांकडल्यान राज्यांतले जैवविविधतेचेर म्हायती आनी सैमाचे अणभवूय मेळटले.
पणजे आशिल्ले देशी आनी विदेशी प्रजातींचें आकर्शीत मिश्रण आशिल्ल्या झाडांची वळख करून दिवप होच ह्या ट्री वॉकचो हेतू जावन आसा अशें आरती दास हांणी सांगलें.
ट्री वॉक मजगतीं, ह्या वॉकांत वांटो घेवपी राजधानींतल्या तोखणाय करपा सारके जैवविविधते विशीं खोलायेन तोखणाय करची आनी ह्या गरजेच्या सैमीक खजिन्यांची राखण करपाक मजत करपाची आनी तातूंत योगदान करपाचीय संद मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
