भांगरभूंय | प्रतिनिधी
भांगरभूंय । प्रतिनिधी
पेडणेः म्हादयचें उदक कर्नाटकान घुंवडायल्यार गोंयचेर ताचो सामको वायट परिणाम जातलो. म्हादयक वांटावपाक लोकलडो उबारपा संबंदी लोक जाग्रुताय करपा खातीर पेडणे तालुको नागरीक समिती आनी म्हादय वाटय संघटने वतीन बुधवार 16 एप्रिलाक पेडणे तालुक्यांत लोक जाग्रुती मिरवणूक काडटले.
सकाळीं 9 वरांचेर कोरगांवच्यान सुरू जावपी हे मिरवणुकेंत दुचाकी आनी चार चाकी वाहनांचो आसपाव आसतलो. पेडणे तालुक्यांतल्या दरेका ग्राम पंचायत मंडळाक निवेदना भेटयल्या उपरांत मिरवणुकीचें पेडणे बसस्टॅण्डार सभेंत रुपांतर जातलें. केरी पालये, हरमल, मांद्रे मोरजी, आगरवाडा, पार्से, तुंयें, विर्नोडा, धारगळ, कासारवर्णे, हळर्ण, तळर्ण वझरी, चांदेल, हसापूर, इब्रामपूर, तांबोशें, तोरशें, वारखंड, न्हंयबाग ह्यो वीस ग्रामपंचायती आनी पेडणे नगरपालिका मंडळाक मिरवणुकीन वचून निवेदना दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
