भांगरभूंय | प्रतिनिधी
भांगरभूंय । प्रतिनिधी
मडगांवः म्हादय न्हंय वाटावपा खातीर यत्न करपा खातीर गोंय सरकारान स्थापन केल्ले सभाघर समितीची फाटल्या वर्सांत एकूय बसका जाली ना. राज्य सरकाराक कर्नाटकाची हितराखण करपाची आसल्यार ही समिती बरखास्त करात अशी सूचोवणी गोवा फॉरवर्डाचो अध्यक्ष विजयसरदेसाय हाणे केल्या.
ह्या सभाघर समितीची एक बसका 2023 वर्सा फेबुवारी म्हयन्यांत जाल्ली. ते उपरांत एकूय बसका जाली ना. लोकसभा वेंचणूक लागीं पावल्ल्यान बसका घेतले हें स्पश्ट आशिल्लें. मात गोंयचे जीवदायिनी परस लोकसभेच्यो कर्नाटक राज्यातंले 21 लोकसभा मतदारसंघ चड म्हत्वाचे आशिल्ल्यान बसका घेवपाक फाटी-फुडें चल्लां म्हादय हातची गेल्यार जाता मात कर्नाटकांत भाजपाक तिचो त्रास जावपाक जायना अशीच गोंय सरकाराची इत्सा आसा अशें दिसता अशें सरदेसायान सांगलें.
म्हादयचो प्रस्न विधानसभेंत मांडटना कर्नाटकाची हित राखण करपा खातीर गोंयांतलें भाजपा सरकार म्हादयचो बळी दिवपाक पळयता, असो दुबाव हांवें उक्तायल्लो. तो खरो थारपाची शक्यताय तयार जाल्या. गोंय सरकारान न्यायालयांत म्हादय संदर्भांत एक आव्हान याचिका सादर केल्या. तिची सुनावणी परत परत फुडें धुकलतात. ही याचिाक आतां ऑगस्ट म्हयन्यांत सुनावणेक येतली. अशें आसतना सरकार फावो त्या वेळार निर्णय घेवया अशें सांगता. व्हो वेळ वचर व्होच सरकारा खातीर फावो तो वेळ आसा काय किदें, असो प्रस्न सरदेसायान केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
