भांगरभूंय | प्रतिनिधी
पाचव्यो भाजयो भलायके खातीर फायद्याच्यो आसतात. देखून सदांच पाचव्यो भाजयो नेमान खावपाचो सल्लो तज्ञ दितात. तांतूतली एक भाजी म्हस्काच्यो शेंगो (शेवग्याच्यो शेगो, ड्रम स्टीक) कुडीक फायदेशीर थारता. जायत्या लोकांक त्यो खावपाक खूब आवडटा. खास करून गोंयांत त्यो घालून भाजी, सुंगटांचें हुमण करतात.
आयुर्वेदांतय ह्या शेंगांक म्हत्व आसा. शेंगो, म्हसकाचीं पानां आनी फुलां हांचीय भाजी करतात. हातूंतल्यान कुडींत कार्बोहायड्रेट, प्रथिन, कॅल्शियम, पोटॅशियम, लोखण, मॅग्नेशियम, जीवनसत्व ए, जीवनसत्व सी आनी जीवनसत्व बी भरपूर प्रमाणांत मेळटा.
० हाडां घट जातात
म्हस्काच्या शेंगांनी कॅल्शियम, लोखण आनी जायतीं जीवनसत्वां आसतात. हाका लागून हाडां घट जातात. देखून ताचो रोस वा दूदां बरोबर म्हस्काच्या शेंगांचो आहारांत आस्पाव करप हाडां खातीर फायदेशीर थारता. देखून भुरग्यांची हाडांची वाड सुदारपा खातीर तांच्या आहारांत म्हस्काच्या शेंगांचो आस्पाव करचो.
० रगत शुद्ध जाता
पानांभशेन ताच्या शेंगातय रगत शुद्ध करपाची तांक आसता. देखून ते कुडींत अँटीबायोटिक एजंट म्हूण काम करतात. हाका लागून रगतांत हानीकारक पदार्थ वाडिल्ल्यान जावपी अॅक्नेचा त्रास आनी कातीचे विकार उणे करपाक शेंगो फायदेशीर थारतात.
० साकर नियंत्रण
म्हस्काच्या शेंगांक लागून रगतांतली साकर नियंत्रीत करपाक मजत जाता. ताका लागून गोडेंमूत नियंत्रणांत उरता. पित्ताशयाचे कार्य सुदारपाकय शेंग्यो फायदेशीर आसतात. देखून कुडीचें कार्य आनी भलायकी सुदारता.
० संसर्गा पसून राखण
म्हस्काच्या पानांनी, फुलांनी अॅंटी-बॅक्टेरिअल तत्व आसतात. हाका लागून तुमकां जायत्या प्रकारच्या संसर्गांतल्यान राखण मेळपाक मजत जाता. म्हस्काच्या शेंगांत व्हिटॅमिन सी भरपूर आसता जें कुडीची रोगप्रतिकार शक्त सुदारपाक मजत करता. तशेंच कुडींतल्या फ्री रॅडीकल्सचो धोको उणो करपाक फायदेशीर थारता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
