भांगरभूंय | प्रतिनिधी
कार्यालयाचेर कळशी मोर्चो व्हरपाची शिटकावणी
भांगरभूंय । प्रतिनिधी
वाळपय : होंडा वाठारांत फाटल्या म्हयन्याभरा सावन उदकाचो उणाव निर्माण जाला. नळांक वेवस्थीत उदक येनाशिल्ल्यान उदक येनाशिल्ल्यान लोकांक समस्येक फुडो करचो पडटा. आठ दिसां भितर उदकाचो उणाव पयस जालो ना जाल्यार वाळपय उदका पुरवण कार्यालयाचेर कळशी मोर्चो व्हरपाची शिटकावणी लोकांनी दिल्या. होंडाच्या पोस्टवाडो, वडदेवनगर, वडाकडे ह्या वाठारांनी फाटल्या म्हयन्याभरा सावन उदकाचो उणाव निर्माण जाला. लोकांनी दिल्ले म्हायती प्रमाण इमारतीच्या पयल्या माळ्यार एक थेंब लेगीत उदक येना. ताका लागून पयल्या माळ्या वयल्या लोकांक तळमाळ्यार रावपी कुटुंबा कडल्यान इल्लें इल्लें उदक व्हरून आपली गरज पुराय करची पडटा. कांय लोकांनी वाळपय उदका पुरवण कार्यालयाच्या अधिकाऱ्यां कडेन संपर्क करपाचो यत्न केलो, पूण ताचो कसलोच फायदो जावंक ना. खूब खेपे कार्यालयांत वचून कागाळी केल्यो, पूण ताची अजून मेरेन दखल घेवंक ना. फोना वयल्यान संपर्क केल्यार ताका योग्य जाप मेळना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
