भांगरभूंय | प्रतिनिधी
मुंबय, खबरां संस्था: भारताचे आदले सरन्यायाधीश बी.आर. गवई हांणी सांगलें, जेन्ना ते अनुसूचित जाती आरक्षणांत क्रीमी लेयर लागू करपा विशीं उलयलें तेन्ना तांकां आपल्याच समाजांतल्या लोकां कडल्यान खर टिकेक तोंड दिवचें पडलें. न्या. गवई मुंबय विद्यापीठांत आयोजित एका व्याख्यानांत उलयताले.
तांणी मुखार म्हणलें, हाचो अर्थ असो न्हय, तो मनीस सदांच सायकलीचेरूच भोंवत रावतलो आनी नवीन लोकां खातीर मार्गूच बंद जातलो. सरन्यायाधीश वा मुखेल सचिवांच्या भुरग्याक आनी ग्रामपंचायत शाळेंत शिकपी मजुराच्या भुरग्याक एकाच मापदंडान मेजपाक शकता व्हय?
बी आर गवई हांणी सांगलें, इंदिरा साहनी प्रकरणांत क्रीमी लेयर सिद्धांत निश्चीत केल्लो आनी एका निर्णयांत तांणी स्वता म्हणिल्लें, हो सिद्धांत अनुसूचित जाती (एससी) वर्गाकूय लागू जावपाक जाय.
गवई हांणी म्हणलें, हाचेर कांय लोकांनी आरोप केलो, ते स्वता आरक्षणाचो लाव घेवन सर्वोच्च न्यायालयांत पावले आनी आतां क्रीमी लेयरा विशीं उलयतात. मात उच्च न्यायालय आनी सर्वोच्च न्यायालय न्यायाधीशांच्या नियुक्तींत आरक्षण नासता, म्हणून ह्या आरोपांत सत कांयच ना.
ह्यान पयलीं, आदले सरन्यायाधीश बी आर गवई हांणी १ नोव्हेंबराक सांगिल्लें, न्यायालयांत जाल्ल्या चप्पल शेवटुपाच्या प्रयत्नांचो तांचेर कसलोच परिणाम जावंक ना. तांकां हिंदू-विरोधी थारावपाचे आरोप पुरायेन चुकीचे आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
