म्हजें घर येवजण आनीक सुटसुटीत

भांगरभूंय | प्रतिनिधी

– दोन अध्यादेशांंक मंंत्रीमंंडळाची मान्यतायपणजी : अनधिकृत घरांं अधिकृत करपाची तजवीज आशिल्ली म्हजें घर येवजण आनीक सुटसुटीत करपा खातीर मंंत्रीमंंडळान दोन अध्यादेशांंक मान्यताय दिल्या. पंचायत आनी नगरपालिका प्रशासन कायदो तशेंच पणजे म्हापालिका कायद्यांत दुरूस्ती विशींचे हे अध्यादेश आसात. मुख्यमंंत्री डॉ. प्रमोद सावंंत हांंणी ही म्हायती दिली.

बुधवारा सांंजे मंंत्रीमंंडळाची बसका जालीं. भलायकी खात्यांत कंंत्राटी पद्दतीचेर पदांं भरपाक मान्यताय दिवपा सयत म्हजें घर येवजणे संंबंंदीच्या अध्यादेशांंक सरकारान मान्यताय दिली.

1972 पयलीची जी घरांं सर्वेचेर दाखयल्या ती अधिकृत करपाचे अधिकार सरकारान पंंचायती तशेंच नगरपालिकांंक दिल्या. पणजी म्हापालिकेन लेगीत 1972 पयलीची सर्वेचेर दाखयिल्ली घरां अधिकृत करची पडटली. हे विशींची परिपत्रका पंंचायत संंचालनालय तशेंच पालिका प्रशासन संंचालनालयान (डीएमए) जारी केल्या. पंंचायत, पालिका तशेंच पणजे म्हापालिकेक अधिकृत करपाचे अधिकार दिवपी दुरुस्तीचाे अध्यादेश जारी केला.

तशेंच सरकारी जमिनीतली अनधिकृत घरांं अधिकृत करपा खातीर सरकारान भूंयमहसूल कायद्यांत (लँड रिव्हेन्यू कोड) दुरूस्ती केल्या. ही घरांं कायदेशीर आशिल्ल्याचें प्रमाणपत्र उपजिल्होधिकाऱ्यांंनी दिल्या उपरांंत पंंचायत, नगरपालिका वा पणजी म्हापालिका घरांं अधिकृत करतली. प्रमाणपत्रा उपरांंत घरांं अधिकृत करपाचे अधिकार दिवपाची तजवीज अध्यादेशांत आसा. ह्या अध्यादेशाक लागून कायदेशीर आडखळी पयस जातल्यो.

येवजण फुडेंं व्हरपा खातीर हे अध्यादेश जारी केल्या. पंंचायत, नगरपालिका तशेंच म्हापालिका कायद्यांत दुरुस्ती विधेयक हाडून अध्यादेशाचे उपरांंत कायद्यांत रुपांंतरण जातलें.

मजगती म्हजें घर येवजणेचे अर्ज वांटपाच्यो कार्यावळी सुरूच आसा. बुधवारा मडगांव, नुवें मतदारसंंघांत मुख्यमंंत्री डॉ. प्रमोद सावंंत हांंचे हस्तुकीं अर्ज वांटपाच्यो कार्यावळी जाल्यो.