भांगरभूंय | प्रतिनिधी
येवजणेचे कार्यवाही विशीं मुख्यमंत्र्यांनी घेतली बसका
पणजी : म्हजें घर येवजणे खाला कोमुनिदाद, सरकारी आनी खासगी जमनींतलीं अनधिकृत घरां अधिकृत करपाचे अर्ज सोमारच्यान संबंदीत कार्यालयांत उपलब्ध आसतलो. मुख्यमंत्री डॉ. प्रमोद सावंत हांणी बसके उपरांत ही म्हायती दिली.
म्हजें घर येवजणेचे कार्यवाही खातीर मुख्यमंत्री डॉ. प्रमोद सावंत हांच्या मार्गदर्शना खाला मंत्रालयांत बसका जाली. महसूलमंत्री बाबूश मोन्सेरात, महसूल सचीव संदीप जॅकीस, उपजिल्लोधिकारी, मामलेदार, कोमुनिदाद प्रशासक हे बसकेक हाजीर आशिल्ले. केंद्रीय गृहमंत्री अमित शहा हांचे हस्तुकीं हे येवजणेचो 4 ऑक्टोबराक शुकभारंभ जाला.
म्हजें घर येवजणे खाला इकरा विवीध तरेचे अर्ज आसत. तरीय येवजणेचे मुखेल जे 5 अर्ज आसात, ते सोमार सावन उपलब्ध करतले. येवजणेचे अर्ज, फॉरमॅट हाची सविस्तर म्हायती अधिकार्यांक दिल्या. कार्यवाहे खातीर पुस्तिकाय तांकां दितले, अशें मुख्यमंत्री डॉ. प्रमोद सावंत हांणी बसके उपरांत म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
