भांगरभूंय | प्रतिनिधी
पणजी: आडवेळ्या पावसाक लागून शेतांचें बरेंच लुकसाण जालां. सरकारान म्हजें घर येवजण कुशीक दवरून शेतकारांक लुकसाण भरपाय दिवपी म्हजें शेत येवजण सुरू करची, अशी मागणी गोवा फॉरवर्डाचे आमदार विजय सरदेसाय हांणी केली. आरजीचे आमदार विरेश बोरकार तशेंच आरजीचे मुखेली मनोज परब हांणी लेगीत हे मागणेक तेंको दिलाे.
गोवा फॉरवर्डाचे आमदार विजय सरदेसाय हांणी पत्रकार परिशद घेतली. पत्रकार परिशदेक आरजीचे आमदार विरेश बोरकार तशेंच आरजीचे मुखेली मनोज परब हाजीर आसले.
आडवेळ्या पावसाक लागून शेतकारांचें व्हड लुकसाण जालां. सगल्या वाठारांनी लुकसाण जालां. शेतकारांचें कश्ट फुकट गेल्यात. शेतकारांक थाकाय दिवपा खातीर सरकारान बेगोबेग लुकसाण भरपाय दिवची. लुकसाण भरपाय दिवपा खातीर येवजण सुरू करची, अशी मागणी विजय सरदेसाय हांणी केली.
म्हजें घर येवजणेचो लाव बिगर गोंयकारांक जाता. गोंयच्या शेतकारांक आदार दिवपाची गरज आसा. पावसाक लागून जाल्लें लुकसाणे खातीर लुकसाण भरपाय दिवची, अशी मागणी आमदार विरेश बोरकार तशेंच मनोज परब हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
