भांगरभूंय | प्रतिनिधी
म्हजी शुभलक्ष्मी… हय म्हजी लक्ष्मीच ती… तें जीवितांत आयलें आनी म्हजें जग एकदमच बदल्लें… एक तरी भुरगें आपल्याक आसचें अशें सगळ्या बायलांचें सपन आसता….म्हाका कितें जाय आशिल्लें तर चली भुरगें…. तें घरांत आसप म्हणजे घर उलोवपाक लागता, अशें पयलीं खंय तरी वाचिल्लें… आनी हाचो म्हाका प्रत्यक्षांत अणवभ घेवपाचो आशिल्लो….
पयली बेटी धनाची पेटी अशी एक म्हण आसा. हय म्हजी धनाची पेटीच तीं….म्हज्या डॅडीन जेन्ना ताका हॉस्पिटलांत पयले फावट हातान धरलें तेन्नाच ताणें म्हणलें, हें चली म्हणजे तुमची लक्ष्मी!! आनी म्हज्या हातान एक चीट दिवन सांगलें, हें वाच… ताचेर ताणें ताचो जल्माक आयिल्लो वेळ आनी नांव शुभलक्ष्मी बरोवन हाडिल्लें…. तेन्नाच्यान ताचें मामालें नांव ‘शुभलक्षी’ अशें थारयलें. आमगेर दोन नांवां दवरतात. एक आवय- बापुय आनी एक मामालें!!
म्हजे चलयेक आमी माईशा (Maisha) हें नांव दवरलें. म्हज्या घोवाचें नांव शंकर आनी म्हजें मानसी. दोनूय नांवांतलीं पयलीं अक्षरां घेवन आमी तें माईशा केलें. अशा ह्या नवरातीच्या उत्सवा निमित्तान म्हाका म्हज्या मनांतलें सांगचें कशें दिसलें…. देव म्हज्या बायक उदंड आयुश्य, आरोग्य आनी समाजांत एक बरें व्यक्तिमत्व जावपाची संद दिवं…. हिच प्रार्थना.
– मानसी शंकर फडते बेतकीकार
92843 84299
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
