भांगरभूंय | प्रतिनिधी
पणजी : नायट क्लबांत उजो लागपा वेळार थंय नाचपी, जिचो व्हिडियो व्हायरल जाला ते तरणाटे कलाकारान आपल्या सुटकेचें वर्णन केलां. उजो पेटलो तेन्ना ती कांय वेळ कितें जाला हें चितपाकूच उरली. वांगडा आशिल्यांनी थंय सावन भायर सरपाक मजत करूंक नाशिल्ली जाल्यार कितें जावपाचें? याद करून ती परत परत रडटा. कझाकस्तानांतली एक वेवसायीक नर्तकी क्रिस्टिना भावनीक जावन उलयतना एका क्रू वांगड्याच्या चपळ विचारांक लागून आपलो जीव वाटावलो म्हूण सांगता. आपूण जिवे रावले म्हूण तांचे कृतज्ञ आसा अशें तिणें सांगलें.
उजो लागलो तेन्ना क्रिस्टीना रातच्या तिच्या दुसऱ्या कार्यावळी वेळार माचयेर आशिल्ली. “म्हज्या सादरीकरणा वेळार उजो लागलो. म्हाका धपको बसलो. संगीत अचकीत बंद जालें आनी कितें जालें तें म्हाका समजूंक ना. हांव भायर कशें सरपाचें हो विचार करपाक लागलें,” थरथरत तिणें सांगलें. “मात्र सरून हांव फकत रडटालें, म्हजी तकली हालताली”, तिणें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
