भांगरभूंय | प्रतिनिधी
लीग शील्ड जैतिवंत मोहन बगान सुपर जायण्ट्सान इंडियन सुपर लीग (आयएसएल) 2024-25 करंड जिखून दोनूय किताब आपल्या नांवार करपाचो कारनामो केलो. हांगाच्या सॉल्ट लेक स्टेडियमाचेर जाल्ले फायनलीच्या अतिरिक्त वेळांत बंगळुरू एफसीक 2-1 असो हारयलो.
डिफॅण्डर अल्बर्टो रोड्रिगेजाच्या आत्मघातकी गोलाक लागून फाटीं पडून लेगीत मोहन बगानान जबरदस्त पुनरागमन केलें आनी निर्धारीत वेळाच्या खेळांत जेसन कमिन्सान पॅनल्टीचेर गोल करून मोहन बगानाक बरोबरींत हाडलो.
96व्या मिनटाक ऑस्ट्रेलियेचो स्ट्रायकर जेमी मॅक्लेरनान गोल करून मोहन बगानाक अतिरिक्त वेळांत जैत मेळोवन दिलें. ताचीच प्लेयर ऑफ द मॅच पुरस्कारा खातीर निवड जाली, जाल्यार गोल्डन बूट पुरस्कार नॉर्थइस्ट युनायटेडाच्या मोरोक्कन स्ट्रायकर अलाएद्दीन अजारेई हाका फावो जालो. ताणें 23 गोल केले आनी सात गोल करपाक मजत केली. गोल्डन ग्लोव्स पुरस्कार मोहन बगानाचो गोलकीपर विशाल कॅथ हाका फावो जालो. ताणें 15 खेपे क्लीन शीट दवरली आनी 74 खेपे बचाव गेलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
