भांगरभूंय | प्रतिनिधी
फोंडेंः मोलेंच्यान कुळे वचपी मोटार शेनवारा सकाळीं देगणांत पडपाची घडणूक घडली. हे विशीं म्हायती मेळ्ळे उपरांत कुळे पुलिसांनी घडणूक सुवातेर धांव घेवन मोटारींत आडकून आशिल्ल्या एका चलयेक सुरक्षीत भायर काडले. ह्या अपघातांत कोणूच जखमी जावंक ना. पूण मोटारीचें बरेच लुकसाण जालां.
मेळिल्ले म्हायती प्रमाण मोलेंच्यान कुळेचे दिशेन वचपी मोटार चालकाचो ताबो सुटिल्ल्यान मोटार देगणांत पडली. त्या वेळार मोटारींत चालका सयत तरणाटी वाटावली. अपघाता उपरांत मोटार चालक रस्त्यार आयलो, पूण तरणाटी मोटारींत आडकून उरिल्ल्यान लोकांनी पुलिसांक म्हायती दिली.
कुळें पुलिसांनी घडणूक सुवातेर धांव घेवन ते तरणाटे चलयेक सुरक्षीत भायर काडली. कुळें पुलिसांनी अपघाताचो पंचनामो केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
