भांगरभूंय | प्रतिनिधी
मोटारी सयत 400 कील मास जप्त; कुळें पुलिसांची कारवाय
फोंडें: कुळें पुलिसांनी काल (सोमारा) सकाळीं मोलें चेक नाक्यार बेकायदो बीफ व्हरपी मोटार धरून दोगांक अटक केली. हातूंत वहीब बेपारी आनी गाऊस नदाफ हांचो अटक केल्ल्यां मदीं आस्पाव आसा. हें मास अदमाशेक 400 किला परस चड आसून बेळगांव सावन गोंयांत येरादारी करतना कुळें पुलिसांनी ही कारवाय केली.
मोलें चेक नाक्यार सोमारा सकाळीं 7.30 वरांचेर कुळें पुलिसांनी जीए 08 एफ 6702 ह्या मोटारीची तपासणी केली तेन्ना हातूंत मास सांपडलें.
पुलिसांनी रोखडीच कुळें पशू संवर्धन केंद्राचे डॉ. अनिकेत चौघुले आनी हेर कर्मचाऱ्यांक घेवन मासाची तपासणी केली. त्या वेळार दोतोरांनी तपासणी करून तें मास बैलाचें आशिल्ल्याचें स्पश्ट केलें.
तशेंच बैलाची हत्या फाटल्या शेनवारा केल्ल्याचो दुबाव उक्तायला. कुळें पुलीस स्टेशनाचे निरिक्षक राघोबा कामत हांणी ह्या प्रकरणांत अदीक तपास केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
