भांगरभूंय | प्रतिनिधी
फोंडें, प्रतिनिधी: नंद्रण- मोलेंच्या राष्ट्रीय महामार्गा कुशीक मंगळारा रातच्या सुमार ८ वरांचे गस्तीचेर आसतना पुलिसांक सोर्याच्यो बाटल्यो सांपडल्यो. सुमार १६ हजार रुपयांच्यो सोर्याच्यो ६४ बाटल्यो पुलिसांनी जप्त केल्यो. त्यो अनवळख्यान कर्नाटकांत व्हरपा खातीर दवरिल्ल्याचो अदमास पुलिसांनी उक्तायला.
निरीक्षक राघोबा कामत हांच्या मार्गदर्शना खाला पंचनामो करून बाटल्यो जप्त केल्यो. बुधवारा सकाळीं कुळें पुलिसांनी जप्त केल्ल्यो बाटल्यो सांगें अबकारी खात्याचे सुवादीन केल्यो. हे विशीं कुळे पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
