भांगरभूंय | प्रतिनिधी
पणजी ः केरी, पर्ये, मोर्ले, पिसुर्ले, होंडा आनी भिरोंडें पंचायतींक पिवपाच्या उदकाची पुरवण करपा खातीर मोर्ले पुनर्वसन वसाहतींत डब्ल्यूटीपी खातीर 15 एमएलडी उदकाचे पंपिंग स्टेशन उबारपाच्या 24 कोटींच्या प्रकल्पाक हालींच उदका संवर्धन खात्यान मान्यताय दिल्या. पर्ये मंतदार संघाची आमदार देविया राणे हांणी फेसबूकाचेर ही म्हायती घाल्या.
पर्येच्या लोकां वतीन डॉ. राणे हांणी केल्ली विनंती मुख्यमंत्री डॉ. प्रमोद सावंत आनी उदका संवर्धन मंत्री सुभाष शिरोडकार हांणी वैयक्तीक फुडार घेवन मान्य केल्ले खातीर डॉ. राणे हांणी उपकार मानले. तिणें म्हणलां “हो 24 कोटींचो प्रकल्प उदका पुरवण सुदारपाक आनी आमच्या लोकांक त्रासांतल्या सुटका मेळोवन दिवपाक मजत करतलो, अशें म्हाका दिसता.”
ह्या प्रकल्पाचें काम बेगीनांत बेगीन सुरू करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
