मोर्लेच्या माध्यमीक विद्यालयाची विप्रो अर्थियन स्कूल म्हणून निवड

भांगरभूंय | प्रतिनिधी

भांगरभूंय । प्रतिनिधी
केरी-सत्तरीः विप्रो अर्थियन स्कूल प्रकल्प 2023 त देशांतल्या पयल्या 20 जैतिवंतां मदी मोर्लेच्या सरकारी माध्यमीक विद्यालाची निवड केल्या. कोयर वेवस्थापन ह्या विशया वयल्यान विद्यालयाच्या पांच विद्यार्थ्यांनी विज्ञान शिक्षिका संज्योती पावसकार हिच्या मार्गदर्शना खाला तयार केल्ल्या प्रकल्पाक पुरस्कार फावो जालो.
 आयज शेनवार आनी फाल्यां आयताराक बंगळुरूंत विप्रो अर्थियन पुरस्कार भेटवण कार्यावळ जातली. तिका विप्रो कंपनीचो चॅरमन रिषद प्रमेजी तशेंच अझीम प्रेमजी फावंडेशनाचो सीईओ अनुराग बेहर हाजीर रावतले. ह्या वेळार चार्ट मेकिंग, चार्ट डिस्प्ले आनी विद्यार्थ्यां कडेन संवाद सादपाची कार्यावळ जातली. मोर्ले विद्यालयाचें स्वाती मधू गांवस, ओंकार भिवा गांवस, समृद्धी नारायण गांवस, सिया सद्गगुरू गांवसस नारायण बाळासाहेब राणे हे विद्यार्थी  आनी शिक्षक हे कार्यावळीक हाजीर रावतले.