भांगरभूंय | प्रतिनिधी
मोरोक्को, खबरां संस्था ः मराकेशच्या नैऋत्येक शुक्रारा 8 सप्टेंबराक उसरां 7.2 रिश्चर तांकीचो भुंयकांप जालो. ह्या भुंयकांपाक लागून ८०० वयर लोकांक मरण आयले. अमेरिकेच्या भूवैज्ञानिक सर्वेक्षणान ही म्हायती दिल्या. ह्या भुंयकांपाचें केंद्र मराकेश सावन 71 किमी. अंतराचेर 18.5 किमी खोलायेर आसा. हो भुंयकांप इतलो खर आशिल्लो की हाका लागून कोट्यांनी रुपयांचें लुकसाण जालां. मरप्यांचो आंकडो आनीक वाडपाची शक्यताय आसा.
आफ्रिकन आनी युरेशियन प्लेटीं मदीं आशिल्ल्यान मोरोक्कोच्या उत्तर वाठारांत सदांच भूंयकांपाचो धोको आसता. मोरोक्कोच्या ईशान्येक आशिल्ल्या अल होसीमाह हांगा 2004 वर्सा जाल्ल्या भुंयकांपांत 628 जाणांक मरण आयिल्लें आनी 926 जखमी जाल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
