भांगरभूंय | प्रतिनिधी
भांगरभूंय । प्रतिनिधी
पणजीः गोंय पुलिसांच्या घुंवळी वखदां विरोधी पंगडान मोरजी हांगा केल्ले कारवायेंत ओनेग्बू उछे जस्टीस (37) ह्या नायजेरियनाक तशेंच पश्चीम बंगलच्या इशायक खान (27) हांका अटक करून तांचे कडेन आशिल्लीं 5.58 लाख मोलाची घुंवळी वखदां जप्त केलीं. तातूंत 20.65 ग्राम एमडीएमए आनी 35.20 ग्राम अॅक्टेसी गुळयांचो आसपाव आसा.
मोरजी वाठारांत घुंवळे वखदां विकपाक एक विदेशी नागरीक येतलो अशी म्हायती पुलीस पंगडाक मेळिल्ली. निरीक्षक अरुण गांवस देसाय हांच्या पुलीस पंगडान पाळत दवोरून जस्टीस आनी खान हांची झडती घेतली आनी ताकां तांचे कडेन घुवळी वखदां मेळ्ळीं.
निरीक्षक मंजुनाथ नायक हाणे ताचे आड गुन्यांव नोंद करून तांका अटक करून म्हापशेंच्या पयलो वर्ग न्यायायलांत उबें केलें तेन्ना तांका चार दिसांची पुलीस कादय दिली. मजगतीं गिरी म्हापशें हांगच्या एका शाळे लागी छापो घालून घुंवळी वखदा विरोधी पंगडाच्या उपनिरीक्षक प्रियांक गारूडी हिणे प्रियांशु शर्मा (22, उत्तर प्रदेश) आनी सनील नायक (30, पर्वरी) हांका अटक केली. तांचे कडेन 22 हजारांचो गांजो आनी 2 ग्राम एमडीएमए मेळ्ळो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
