भांगरभूंय | प्रतिनिधी
मोरजी : गोंयांत सुटयेर आयिल्ल्या एका रशियन जोडप्याचेर व्हडलें संकश्ट कोसळ्ळें. आयतारा दर्यांत पेंवपाक देंविल्लें हें जोडपें नेटाच्या ल्हारा वांगडा दर्यांत ओडलें. दोगांय बुडपाक लागलीं. तातूंत ३३ वर्सां पिरायेच्या दादल्याक मरण आयलें, तर ताचे घरकान्नीक थळाव्यांनी वाटायली.
पुलिसांनी दिल्ले म्हायती प्रमाण, आयतार फांतोडेर पांच वरांचेर हें जोडपें मरे दर्यावेळेर पेंवतालें. दिमित्री लव्होव आनी ताची घरकान्न इरिना रुडेमको अशीं तांचीं नांवां. मदींच नेटाचें ल्हार आयलें आनी दोगांय भितर दर्यांत पावलीं. लोकांनी दोगांयकूय वाटावपाचो यत्न केलो. पूण ते दादल्याक वाटावपाक शकले नात. जीवरक्षकांनी मागीर ताची कूड दर्यादेगेर हाडली. फुडलो तपास चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
