भांगरभूंय | प्रतिनिधी
पणजीः मोरजी कळस मांगर सभागृहांत,गोवा कोंकणी अकादेमीच्या जोड पालवान कोंकणी सेवा केंद्र, पेडणें हांणी कोंकणी राष्ट्रभाशा मान्यताय दिसा निमतान 20 ऑगस्ट दिसा सांजेच्या 4.30 वरांचेर कार्यावळ घडोवन हाडली. हे कार्यावळीक मुखेल सोयरे म्हूण लाभिल्ले बालभवन केंद्राचे शशिकांत पुनाजी तशेंच मानाचे सोयरे म्हूण प्रकाश तळवणेंकार हाजीर आशिल्ले.
ह्या कार्यावळीचें सुत्रसंचालन सायली गुरुदास आजगांवकर हांणी केलें जाल्यार श्वेता कोनाडकर हांणी फुलां भेटोवन मानेस्तांक येवकार दिलो. केंद्राची अध्यक्षा संजना सागर शेटगांवकार हांणी येवकाराचें उलोवप केलें. तशेंच सिध्देश फराज हांणी मानेस्तांची वळख करून दिली. कार्यावळींत मानेस्तांनी आपल्या उर्बेभरीत उतरांनी मार्गदर्शन केलें.
तेच परी 18 आॅगस्टाक हरमल पंचक्रोशी उच्च माध्यमिक विद्यालयांत आयोजीत केल्ल्या घोशणां सर्तींच्या जैतिवंत विद्यार्थ्यांक इनामां भेटयलीं. पयलें इनाम – पेझीया मेंडोंसा, दुसरें- लिनोश्का कार्व्हालो जाल्यार तिसरें इनाम- त्रिशा ठाकूर हांकां फावो जालें. जैतिवंत विद्यार्थ्यांनी माचयेर घोशणां लेगीत सादर केल्यो.
हे कार्यावळीक कोंकणी सेवा केंद्राची वेवस्थापक समिती तशेंच हेर वांगडी हाजीर आशिल्ले. केंद्राचे सचीव रत्नेश शिरोडकार हांणी उपकाराचे उलोवप केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
