भांगरभूंय | प्रतिनिधी
भांगरभूंय । प्रतिनिधी
पणजीः गोंय पुलिसांच्या घुवळी वखदा विरोध पंगडान बुधवारा मोरजे हांका छापो घालून मॅक्सीन माक्रोव (38) ह्या रशियन नागरिकाक अटक करून ताचे कडेन आशिल्लें 15 लाख रुपया मोलाचें हशीश तेल जप्त केलें. पेडणेच्या पयलो वर्ग न्यायालयान ताका पांच दिसांची पुलीस कादय दिल्या.
माक्रोव हो भाड्याचे कुडींत रावतालो. तो घुंवळी वखदां विकता अशी पुलिसांक म्हायती मेळिल्ली. उपनिरीक्षक मंजुनाथ नायक हांच्या फुडारपणा खाला पुलीस पंगडान ताका ताब्यांत घेतलो. झडती घेतली तेन्ना ताचे कडेन 900 ग्राम हशीश तेल मेळ्ळें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
