भांगरभूंय | प्रतिनिधी
भांगरभूंय । प्रतिनिधी
पेडणेः मोरजे वाठारांत मंगळारा आयोजीत केल्ले कार्नावाल मिरवणुकेची थळाव्या लोकांनी तशेंच पर्यटकांनी मजा घेतली. कार्नावालच्या आयोजनांतल्यान गोंयची संस्कृती आनी दायज हाचें दर्शन घडटा. मनरिजवणे वांगडा सगल्यांत वांगडा घेवन वचपी हो उत्सव आसा अशें मांद्र्चो आमदार जीत आरोललकारान मिरवणुकेक सुरवात करून दितना सांगले.
मिलाग्रीस चर्च वाठारांत कार्नावाल मिरणुकेक सुरवात केली. तातूंत वेगवेगळ्या विशयां वयले चित्ररथ तशेंच कलालाक वांटेकार जाल्ले. पर्यटन खातें आनी मुख्यमंत्री डॉ प्रमोद सावंत हांच्या पालवान मोरजे तीन दिसांचो अन्न आनी सांस्कृतीक महोत्सव जालो. कार्नावालाक लोकांची जे तरेन प्रतिसाद दिलो तें पळयल्यार दर वर्सा ह्याच वाठारांत कार्नावाल आयोजीत करपाचो आपलो विचार आसा अशें आरोलकारान सांगलें.
कार्नावाल मिरणुकेक लोकांनी बरीच गर्दी केल्ली. पारंपरीक लोकनाच आनी पारंपरीक वेवसायाचें दर्शन घडोवनी चित्ररथांनी लोकांची बरी मजरिजवण केली. बॉलिवूड अभिनेंत्री हुमा कुरेशी कार्नावालांत वांटेकार जावपा खातीर खासा आयिल्ली. लोकां खातीर तें एक आकर्शण आशिल्लें. पेडणे पुलीस स्टेशनाचो निरीक्षक दत्ताराम राऊत हांच्या मार्गदर्शना खाला पुलिसांनी बरो बंदोवस्त दवोरल्लो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
