भांगरभूंय | प्रतिनिधी
भांगरभूंय । प्रतिनिधी
पणजीः कासव संवर्धन वाठारांत आशिल्लें उकियो बीच रिसॉर्ट सयद मोरजी आनी मांद्रें दर्या देगेर आशिल्ली सुमार 15 आस्थापनांक गोंय राज्य प्रदूशण नियंत्रण मंडळाचो वेवसाय परवानो नाशिल्ल्यान ती मंडळान बंद करपाचो आदेश दिला अशी म्हायती मुंबय उच्च न्यायालयाच्या गोंय खंडपिठान सादर केली. खंडपिठान ह्या प्रकरणाची सुनावणी 17 एप्रिलाक दवोरल्या. प्रदूशन नियंत्रम मंडळ आनी उत्तर गोंय जिल्हाधिकाऱ्याक प्रतिज्ञापत्रां वरवीं कृती अहवाल सादर करपाक खंडपिठान सांगलां.
कासव संवर्धन वाठारा संबंदी सागरदीप शिरसयकार हाणे 2021 वर्सा खंडपिठांत जनहित याचिका सादर करून आवाजाच्या प्रदुशणाचो मुद्दो खंडपिठांत उपस्थीत केल्लो. त्या भायर आर्नोल्ड डिसान राज्यांत नायट क्लब, बार आनी रेस्टॉरंट तशेंच रातयां परवानगी घेनास्तना उक्ता सुवातांनी पार्ट्यो आयोजीत करतात तो मुद्दो एके जनहित याचिके वरवीं खंडपिठान उपस्तित केल्लो. ते संबंदी कांय कारवाय जायना म्हणून तांणी न्यायालयाच्या अवमान केल्ल्याची याचिका लेगीत सादर केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
