भांगरभूंय | प्रतिनिधी
पेडणें: 28 डिसेंबर 2004 ते 2 फेब्रुवारी 2025 ह्या काळांत दर्यांतल्या 61 कांसवांनी मोरजी तेंबवाडो दर्यादेगेर 6 हजारां परस अदीक तांतयां घातलीं. हे दर्यादेगेर रान विभागा वतीन 1997 सावन दर्यांतले कांसव संवर्धन मोहीम चालीक लायल्या.
ह्या मोसमांत 2 फेब्रुवारी मेरेन कांसवांनी कितलीं तांतयां घातली हाची म्हायती ह्या केंद्रांत मेळूंक ना. ह्या प्रतिनिधीन थंयच्या कर्मचाऱ्यांक हे विशींची म्हायती विचारिल्ली. त्या वेळार तांणी सांगलें, ही म्हायती वरिश्ठ अधिकारी वा कांपाल कार्यालयांतूच मेळपाक शकता.
अभ्यास केंद्रांत म्हायती कित्याक मेळना 15 दिसां आदीं थळावे सरपंच पवन मोर्जे हांणी उपस्थीत केल्लो. तशेंच पंचायती वतीन सरकाराक निवेदन सादर करून दर्यादेगेर येवपी दरेका कांसवान कितलीं तांतयां घातल्यांत तें विचारचें. अभ्यास केंद्रांत बोर्ड लावन कितल्या कांसवांनी कितलीं तांतयां घातल्यात, हाची म्हायती थंय येवपी पर्यटक अभ्यासकांक दिवची, अशी मागणी केल्ली. हे संबंदांत आयतारा सरपंच मोर्जे कडेन संपर्क केलो, तेन्ना तांणी सांगलें, दोन दिसांत आमी सरकाराक निवेदन सादर करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
