भांगरभूंय | प्रतिनिधी
नवी दिल्ली, खबरां संस्था ः जायत्या जाणांच्या घरांत वायफाय आसा, देखून जायते लोक मोबायल रिचार्ज करपाक पळयनात. पूण, तुमीय अशेंय करतात जाल्यार ही बातमी तुमचे खातीर. फुडाराक तुमकां तुमचो मोबायल नंबर वापरपा खातीर रिचार्ज सोडल्यार आनीक पयशें फारीक करचें पडटलें. खास करून तुमचे कडेन सीम कार्ड आसा आनी तुमी ते रिचार्ज करीनात जाल्यार.
जायत्या देशांनी टेलिफोन, मोबायल क्रमांका खातीर समान शुल्क घेतात. केन्ना ह्यो गजाली मोबायल ऑपरेटरांक लागू जातात, जाल्यार केन्ना गिरायकांचेर ताचो परिणाम जाता. आतां ह्या प्रस्नाचेर विचार करून भारतीय दूरसंचार नियामक प्राधिकरणान हो प्रस्ताव वा नेम जारी केला. चड काळ रिचार्ज करुंक ना जाल्यार सिम कार्ड ब्लॅकलिस्टांत घालनासतना मोबायल ऑपरेटरांक दंड घालपाची येवजण आसा. हे शुल्क एकठांय रक्कम म्हणून वा वर्सुकी घेवंक मेळटा. मोबायल फोन वा लँडलायन क्रमांका खातीर मोबायल ऑपरेटरां कडल्यान शुल्क घेवपाची येवजण ट्राय हांणी आंखल्या.
मोबायल क्रमांक खाजगी संसाधन न्हय, भौशीक संसाधन अशें ट्रायचें मत आसा. देखून हाचो वापर भौशीक वापरा खातीरूय कसो करूं येता तें पळयतले. देशांत मोबायल नंबरांचो व्हड उणाव आसा. तशेंच नेमा प्रमाण सिम कार्ड चड काळ रिचार्ज ना जाल्यार ब्लॅकलिस्टांत घालताले, देखून आतां ट्रायन चड काळ रिचार्ज ना जाल्यार सिम कार्ड ब्लॅकलिस्टांत घालनासतना संबंदीत मोबायल ऑपरेटरांक दंड घालपाची येवजण आंखल्या.
खंयच्या देशांनी अशें शुल्क घेतात?
जायत्या देशांनी टेलिफोन क्रमांक मोबायल ऑपरेटराचेर जाल्यार कांय देशांनी ह्या शुल्काचो परिणाम गिरायकांक जाता. ट्रायच्या म्हणण्या प्रमाण हे वळेरेंत ऑस्ट्रेलिया, सिंगापूर, बेल्जियम, फिनलँड, यूके, लिथुआनिया, ग्रीस, हाँगकाँग, बल्गेरिया, कुवेत, नेदरलँड, स्वित्झर्लंड, पोलंड, नायजेरिया, दक्षिण आफ्रिका आनी डेन्मार्क हांचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
