भांगरभूंय | प्रतिनिधी
फाटल्या कांय वर्सांच्या काळांत मोबायल फोन हें व्हडलें वेसन जालां. ताचे खातीर झगडीं, मारामारी, आत्महत्या पसून जाल्यात. हे समस्येचेर विशाखा विश्वनाथ हांणी उपाय काडला. ती मुंबयची. आॅनलायन माध्यमांतल्यान ती तुमचे कडेन उलयता. काॅपिरायट विशयाचेरुय ती मार्गदर्शन करता.
सध्या मोबायल हो हुस्को करपा सारको विशय जाला. फोटोग्राफर फोटो काडटना कांय खीण दोळे धांपता, तशेंच विशाखा मनालागीं संवाद करूंक शिकयता. तुमी हे कार्यशाळेंत वांटो घेवं शकतात.
काॅपीरायटाचो विशय पुस्तकां, कलाकृती, जायरातीं कडेन येता. आयज काल दरेकल्याक ताची गरज लागता. देखून हीं दोनयू करियरां सामकीं म्हत्वाचीं जावन आसात. सादो वाडदीस घेवया. आदीं एकल्याच्या वाडदिसाक आमदार येतालो, पूण ताचें येवप अचकीत जातालें. पूण आतां तुमी वेवस्थीत जायरात करून तुमच्या लागींच्यांक सांगू शकतात. हें काम पेपरांत बातमी दिवन करपाक जाय अशें ना. आतां सोशल मिडियाचो तुमी आदार घेवपाक शकतात. डिजीटल पद्दतीनूय करूं शकतात. हांगा काॅपिरायट डाय पडटा. विशाखा हाचेरुय कार्यशाळा घेता. ती म्हणटा, ह्या दोनूय फाट्यांक भरपूर मागणी आसा. गोंयांत रोखडीच मागणी वाडची ना. पूण ल्हवू ल्हवू वाडटली. तुमी मुंबय, पुण्या सारक्यो व्हडल्या.शारांनी वचून अणभव घेवं शकतात. तुमचें कार्यालय सुरू करूं शकतात. मोबायल फोन पयस दवरप सामकें कठीण. लोकांक ताचें वेसनूच लागलां. म्हजे कार्यशाळेंत हांव मोबायल पयस दवरपाची युक्त सांगता.
विशाखा साहित्य अकादेमीची युवा पुरस्कार जैतिवंत. ब्रॅण्ड स्टेटेजिस्ट म्हूण तिका वळखतात. मायंड फूल फोटोग्राफी अशें तिणें आपले कार्यशाळेचें नांव दवरलां. विशाखा सांगता, काॅपीरायटा भिर जायरातीचें मुखेल काम आसता. ती आकर्शक कशी जातली, चड लोकां मेरेन कशी पावतली, हो मुखेल उद्देश आसता. मोबायल फोनाचे कार्यशाळेंत मोबायल आडमेळीं हाडटा देखून ते काम अर्दकुटें उरता. जें जायते फावट लुकसाणाचें थारुं येता. हाचें करियर घरचे घरा मेळटा. समुपदेशक कसो ते प्रमाण हें करियर वाडत वतलें. सरकाराकूय हाची दखल घेवची पडटली. जर कामाच्या वेळार एकादो कर्मचारी मोबायल फोन पळयत बसलो जाल्यार समस्या निर्माण जातली. काॅपीरायट ही प्रत्येकजाणांक घरा बसून युट्यूब करपी घरकान्न नाजाल्यार निवृत्त जाल्ल्या मनशाक आपूण कितें करता तें लोकांक समजूंक जाय. तरुच तुमचे फाॅलोवर्स वाडटले न्हय? आतां ही जायरात दिवपाक तुमकां दिसाळ्याच्या कार्यालयांत वचपाची गरज ना. घरा बसून ती सोशल मिडियाचेर डिजीटल पद्दतीन दिवं येता. दिसाळें, पुस्तकां प्रकाशन हावस, सरकारी कार्यालय सारक्या सगल्यांकूच जायराती करच्यो पडटात.
आदल्या तेंपार दिवाळी अंकाची वाट पळोवची पडटाली. पेपराक पसून तुमकां एक दीस रावचें पडटा. पूण आतांच्या डिजीटल युगांत तुमकां मनाक येता तेन्ना तुमच्या उत्पादनाची नाजाल्यार कितें करता तें जगाक सांगपाक शकतात. अर्थांत जायरातीच्या मार्गान. विशाखाच्या आॅनलायन वर्गांनी तुमकां काॅपीरायट आनी मायंड फूल फोटोग्राफी अश्यो दोनूय कार्यशाळा करपाक मेलटा. तुमचे इत्सेप्रमाण ह्यो करपाक मेळटात. दोनूय फांट्यांनी आयज ना फाल्यां करियर आसा. तुमी मुंबय गेल्यार दोनूय फांट्यांनी मागणी आसा, हें मतींत दवरात. विशाखाचो नंबर आनी मेल आसा- 81084 67681, vishakhavishvanath11@gmail.
जर तुमकां मन शांत दवरपाक जाय जाल्यार मायंडफूल फोटोग्राफी कार्यावळ उपेगी पडटली. जर तुमी काॅपीरायटा विशीं शिकपाक सोदतात जाल्यार दुसरी कार्यशाळा उपेगी पडटली. मुद्दाम हांवें दोनांय विशीं बरयलां. तुमचे तजविजे खातीर दोनूय कार्यशाळा विशाखाच चलयता. हाचो लाव तुमकां जावंक शकता. नोकरे खातीर वा हेर कारणां खातीर.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
