भांगरभूंय | प्रतिनिधी
देशांतल्या चड प्रमाणात लोकां कडेन रेशन कार्ड आसा. रेशन कार्ड आसल्यारूच रेशन मेळटा. रेशन कार्ड हो सरकारी दस्तावेज, जो तुमी सरकारी कागदपत्रां मेळयतना वापरूं येता. मोबायल नंबर रेशन कार्डाक लिंक नासल्यार रेशन मेळना. ते खातीर रेशन कार्डाक मोबायल नंबर लिंक करप गरजेचें वा नवो मोबायल नंबर घेतला जाल्यार तो अपडेट करप म्हत्वाचे आसा.
रेशन कार्डांत नवो नंबर अपडेट कसो करचो?
० सगळ्यांत पयलीं नॅशनल फूड सिक्युरिटी पोर्टल संकेतथळार वचात.
० वेबसायटीचेर ‘Citizen’s Corner’ नांवाचो विभाग आसा, थंय वचून ‘Register/Change of Mobile No’ हाचेर क्लिक करात.
० ते उपरांत तुमकां स्क्रीनीचेर नवी पेज दिसतली.
० मागीर घरांतल्या मुखेल वांगड्याचो एनएफएस आयडी थंय घालात. तो ना जाल्यार मागीर तुमी तुमचो आधार क्रमांक थंय घालूंक शकतात.
० मागीर थंय तुमचो रेशन कार्ड क्रमांक घालचो.
० उपरांत रेशन कार्डाचेर ज्या घरांतल्या मुखेल वांगड्याचें नांव बरयलां ताचें नांव थंय बरोवचें.
० आतां सगळ्यांत म्हत्वाचें म्हणल्यार मोबायल नंबर. वयल्यो सगल्यो स्टॅप्स पुराय केल्या उपरांत तुमचो नवो मोबायल क्रमांक घालून ‘सेव्ह’ पर्यायाचेर क्लिक करात.
० ह्यो सगल्यो स्टॅप्स पुराय केल्या उपरांत तुमचो नवो मोबायल क्रमांक रेशन कार्डा वांगडा अपडेट जातलो.
मोबायल नंबर ऑफलायन कसो अपडेट करचो?
रेशन कार्डांत नवो मोबायल नंबर ऑनलायन अपडेट करतना तुमकां समस्या येता जाल्यार मागीर ऑफलायनूय तो अपडेट करूं येता. ते खातीर तुमका फूड डिपार्टमेंटांत वचून अर्ज सादर करचो पडटलो. ताचे वांगडाच रेशन कार्ड आनी आधार कार्डाच्यो प्रतीय दिवच्यो पडटल्यो. ताचे उपरांत कांय दिसांनी तुमचो मोबायल नंबर रेशन कार्डांत अपडेट जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
