भांगरभूंय | प्रतिनिधी
फोंडें: कुंकळ्ळें, म्हाड्डोळच्या खेळां मैदानावेल्या नियोजीत मोबायल टॉवराक ग्रामस्थ आनी थळाव्या खेळां क्लबान नोंद केल्ल्या आक्षेपाची सरकारान गंभीरपणान नोंद घेवन, फोंडें उपजिल्लोधिकारी वरवीं प्रत्यक्ष लोकेशनाची सुवात निरीक्षण करून घेतल्या. मंगळारा (२८ ऑक्टोबर) हे सुवातेचे तपासणेंत हें लोकेशन मैदानाच्या खेळाच्या वाठारांत आयिल्ल्याचें सिद्ध जाल्ल्यान, तशेंच मोबायल कंपनीन खणपाचें काम सुरू केल्ली सुवात नेमा प्रमाण १५ मीटर त्रियेत येनाशिल्ल्यान, फोंडें उपजिल्हाधिकारी शुभम नायक हांणी हे कंपनीक टॉवर उबारपाचें काम प्रलंबीत दवरपाची सुचवणी केल्या. तशेंच ह्या मैदानाचें परत भूसर्वेक्षण करून खेळ परिघाच्या भायर दोंगोर वाठारांत टॉवरा खातीर सरकारी सुवात उपलब्ध जातली काय? हाची तपासणी करपाची सुचवणी खेळां खात्याच्या प्रानिधींनीक दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
