भांगरभूंय | प्रतिनिधी
पणजी : सरकारी जमनीचेर मोबायल टॉवर उबारपा खातीर संबंदीत खात्यान अर्जाचेर ६७ दिसां भितर कसलोच निर्णय घेतलो ना जाल्यार अर्जाक आपशींच मान्यताय (डीम अप्रूवल) मेळटली. हे विशींची अधिसुचोवणी जारी जाल्या.
राज्याच्या म्हायती तंत्रज्ञान धोरणाखाला ही अधिसुचोवणी जारी जाल्या. फॅसिलिटी प्रोवायडरान ई सेवा पोर्टलाचेर अर्ज करचो पडटलो. मान्यताय मेळिल्ल्या खात्यान (एसडीडी) अर्जाची तपासणी करून ५ दिसांनी ज्या खात्याकडेन जमीन आसा त्या खात्याक अर्ज धाडचो पडटलो. संबंदीत खात्यान अर्ज तशेंच कागदपत्रांची तपासणी करून ५० दिसां भितर मान्यताय मेळिल्ल्या खात्याक (एसडीडी) जमनीचे मान्यताये विशीं शिफारस करची पडटली. टॉवराक खात्याची जमीन दिवपाक मान्यताय दिवची काय ना हें कळोवप बंधनकारक आसा. हाचे उपरांत एसडीडीन अर्जावीशीं योग्य तो निर्णय घेवपाक जाय. अर्ज भायरायलो जाल्यार तशे अर्ज करपी फॅसिलिटी प्रोवायडराक कळोवपाक जाय. जमीनीवीशीं मान्यताय दिवपाचो निर्णय जालो काय ७ दिसां भितर मान्यताय मेळिल्ल्या खात्यान (एसडीडी) टॉवराच्या अर्जाचेर निर्णय घेवपाक जाय. पुराय प्रक्रिया ६७ दिसां भीतर जावपाक जाय. ६७ दिसांनी कसलोच निर्णय मान्यताप्राप्त खात्यान (एसडीडी) घेतलो ना जाल्यार टॉवर उभारपाच्या अर्जाक आपशी मान्यताय (डीम अप्रूवल) मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
