भांगरभूंय | प्रतिनिधी
दुर्ग, खबरां संस्था: सध्या मोबायल हो सगल्याच्या जिविताचो एक भाग जाला. सध्या सगळ्यां कडेन स्मार्टफोन आसा. पूण मोबायलाचेर ऑनलायन गेम खेळपाचें व्यसन जायत्या जाणांक लागलां. केन्ना केन्ना मोबायलाचेर ऑनलायन गेम खेळटना जायत्या तरणाट्यांक भान लेगीत उरना. जायते फावट मोबायलाचें हें वेसन खुबश्या जाणांच्या जिवाचेरूय आयलां. अश्यो जायत्यो घडणुकोय मुखार आयल्यात. छत्तीसगडांतल्यान अशीच एक घडणूक सामकार आयल्या.
दोन तरणाट्यांक ऑनलायन गेम खेळपाच्या नादान जीव वगडावचो पडलो. छत्तीसगडांतल्या दुर्ग जिल्ह्यांतल्यान एक धक्को दिवपी घडणूक मुखार आयली. दोग जाण तरणाटे रेल्वे रुळार बसून गेम खेळपाक गुल्ल जाल्ले. खेळपाच्या नादान रेल्वे केन्ना आयली हें तांकां कळूंकच ना. ह्या दोगूय तरणाट्यांक रेल्वेन धपको दिल्ल्यान मरण आयलें. पूरण साहू आनी वीर सिंग अशीं ह्या दोगूय तरणाट्यांचीं नांवां.
नेमकें कितें घडलें?
पुलिसांनी दिल्ले म्हायती प्रमाण, छत्तीसगडांतल्या दुर्ग जिल्ह्यांत दोग तरणाटे रेल्वे रुळार बसून मोबायलाचेर ऑनलायन गेम खेळटाले. गेम खेळटान त्या खेळांत ते इतले गुल्ल जाल्ले, की तांकां मुखारच्यान रेल्वे येता हाचें भान लेगीत उरूंक ना. इतलेंच न्हय तर लोकल ट्रेनीचो हॉर्नूय तांकां आयकुपाक येवंक ना. ताका लागून त्या दोगांयकूय ट्रेनीचो धपको बसलो आनी तांकां जाग्यारूच मरण आयलें, अशी म्हायती पुलिसांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
