भांगरभूंय | प्रतिनिधी
मोबायल ह्या दिसांनी एक गरज जावन पडल्या. आमी मोबायला बगर खंयच वचना. आमचीं जायतीं कामां मोबायलाक लागून घरांतल्यानूच जातात. ताका लागून मोबायल भुरगीं ते जाण्टे मेरेन सगळ्यांच्या हातांत दिसतात.
एके वटेन मोबायलाचे जशे जायते फायदे आसात तशेंच दुसरे वटेन कांय जाण मोबायलाचो दुरुपेगूय करतात. मोबायला वरवीं सायबर क्रायमचें प्रमाण वाडलां. ताका लागून ते विशीं आमी सुरक्षितताय बाळगप गरजेचें. आयज आमी तुमकां मोबायला वयल्या कांय अश्या सेटिंगां विशीं सांगतले जीं तुमी बेगीन बंद करचीं. नाजाल्यार तुमचो बँक अकावंट रिकामो जावपाक शकता.
मोबायला वयल्या लोकेशन सेटिंगाचेर तुमी सदांच लक्ष दवरचें. कारण लोकेशनाचे मजतीन फुडल्या मनशाक तुमची जायती म्हायती मेळटा. ताका लागून तुमी तुमच्या स्मार्ट फोनाचें लोकेशन लॉक करचें आनी कोणूच तें वापरपाक शकना हाची खात्री करपाचो यत्न करपाक जाय. तशेंच जेन्ना तुमकां खंयच्याय ऍपा खातीर लोकेशन परवानगी दिवची पडटली ताचे पयलीं ह्या ऍपाची पुराय म्हायती जाणून घेयात.
तुमी ऍप ट्रॅकर्सा विशींय जतनाय घेवपाची गरज आसा. कांय वेळा तुमकां खंयचोय एक ऍप दुसरो ऍप वापरपाची परवानगी विचारता. मात हाचे वरवींय तुमचे कडेन धोको जावपाक शकता. ताका लागून ही परवानगी दिवचे पयलीं तुमी विचार करचो. हो ऍक्सेस दिवपा फाटलो अर्थ असो जाता, तो हेर ऍपांचो डेटाय एकठांय करपाक शकता. तशेंच हो ऍप तुमकां जाय तसो सेट करून तुमचे दिसभरचे हालचालींचेर लक्ष दवरता. ताका लागून तुमी दरेका ऍपाक ऍप ट्रॅकराची परवानगी दिवची न्हय. तशेंच स्कॅमर,(Mobile Scam) बर्याच काळा सावन VPN ऍप्स वापरतात. हे ऍप्स वापरकर्त्यांचो पुराय मोबायल हॅक करपाक शकतात. ताका लागून VPN ऍप्स वापरचे पयलीं तुमी विचार करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
